പുന്നപ്ര
തെക്ക് ഗ്രാമ പഞ്ചായത്ത്

ശതവർഷങ്ങൾക്ക് മുമ്പ് ബുദ്ധമത കേന്ദ്രമായിരുന്ന പുന്നപ്രയിലെ മറുതാച്ചിക്കൽ ക്ഷേത്രം ഇതിനൊരു തെളിവാണ്. ശ്രീനാരായണഗുരുവിന്റെ നിർദ്ദേശപ്രകാരം പ്രസിദ്ധ ആയുർവേദ നിഘണ്ടു രചിച്ചത് ഇവിടുത്തെ കിട്ടുവാശാൻ വൈദ്യനായിരുന്നു. 1093-ൽ വാഗ്ഭടാനന്ദ സ്വാമികളുടെ നേതൃത്വത്തിൽ ഇവിടെ ആത്മവിദ്യാസംഘം പ്രവർത്തനം ആരംഭിക്കുകയും മിശ്രഭോജനം, ഹരിജനോദ്ധാരണം എന്നിവയ്ക്ക് മുൻകൈ എടുക്കുകയും ചെയ്തു. 1113-ൽ സംഘത്തിന്റെ ചരിത്രപ്രസിദ്ധമായ സമ്മേളനത്തിന് പുന്നപ്ര വേദിയായി. 1859-ൽ ലണ്ടൻ മിഷൻ സൊസൈറ്റി സ്ഥാപിച്ച ഇന്നത്തെ പറവൂർ ഗവ. ഹൈസ്കൂളിലായിരുന്നു സാഹിത്യ പഞ്ചാനനൻ പി.കെ. നാരായണപിള്ളയുടെ ആദ്യകാല പഠനം. മഹാറാണി സേതുപാർവ്വതീ ഭായിയുടെ സ്മരണാർത്ഥം നിർമ്മിച്ച ശുദ്ധജല പദ്ധതിയായിരുന്നു ഇവിടുത്തെ ആദ്യ ജലസേചന പദ്ധതി. ആലപ്പുഴ മാർക്കറ്റിന്റെ ശില്പിയായ അമേരിക്കക്കാരൻ ഡാറാ സായിപ്പാണ് പുന്നപ്രയിൽ ശാസ്ത്രീയ തെങ്ങുകൃഷിയും ആദ്യ മോട്ടോർ കാറും കൊണ്ടുവന്നത്. അദ്ദേഹം കൃഷി...